我的朋友失蹤了

尋晚原本約咗個成年幾冇見嘅朋友食飯，但係由前日開始call佢想confirm個地點，一直都同佢聯絡不上。

有時真係有啲嬲佢!!就算佢係唔想見到我，佢都唔應該咁無交帶。起碼都打個電話來，是但搵個理由推我吖，又或者一起初就唔應該答應我出來食飯。佢已經唔係第一次係咁架啦!!之前約佢一係就話好忙唔得閒(忙都要食飯架，我就唔信佢一年365日都咁忙)。一係就到食飯當日人間蒸發，個電話打極都冇人聽。事後更加唔會打番電話俾你解釋放飛機嘅原因，只係會不了了之。

佢以前唔係咁家，我真係唔知到底發生咗咩事，如果真係因為我做錯事得罪咗佢，起碼都俾我得個明白。