偉景樓

前日牛頭角道偉景樓煤氣大爆炸，釀成一死九傷慘劇。

我姑媽正是該大廈嘅住戶，好彩佢哋安全冇事。事發時姑媽姑丈喺屋企嘆緊下午茶, 突然聽到幾聲巨響，都唔知發生咩事，只係見到有好多煙。佢哋未識驚，繼續嘆茶。過咗一陣，有警察拍門叫佢哋疏散。佢哋先知發生咗大件事，嗱嗱聲飛奔落樓。在無家可歸的情況下，兩老唯有去表姐屋企暫避。食過晚飯沖過靚涼後，佢哋話要番屋企瞓覺。其實表姐有叫佢哋留底，奈何屋仔細細，怎樣可以容納到咁多人，所以佢哋堅持要回家。

昨天大廈已陸續恢復電力及煤氣供應，但係來水及電梯服務仍是要暫停。一日三餐點算好?唯有行樓梯落街食飯。我咁後生都好怕行樓梯，更何況佢哋係老人家，真係替他們辛苦!